Anima Exhibitions-ը վիզուալ արվեստի մուլտիմեդիա տարածք է, որտեղ դասական նկարիչների ստեղծագործությունները կենդանանում են լույսի, ձայնի և շարժման միջոցով։ Ցուցահանդեսը գործում է ավելի քան 6 տարի՝ անցկացվելով Եվրոպայի տարբեր երկրներում և Ռուսաստանում։ 

Մեծ էկրաններն ու տիեզերական ձայնային համակարգը թույլ են տալիս ավելի խորությամբ ընկալել արվեստագետների պատկերային աշխարհը, հետևել նրանց մտքերի հոսքին, դիտարկել կտավների մանրամասներն ու զգալ քեզ «ներսում» այնպիսի գործերի, ինչպիսիք են՝ Վան Գոգի «Աստղալից գիշեր»-ը, «Արևածաղիկներ»-ը, Կլիմտի «Համբույր»-ը։

Այցելուներին սպասվում է ոչ միայն ծանոթություն կտավների հետ, այլև՝ դրանց ստեղծման պատմության ու հեղինակների կենսագրության։

Վան Գոգի և Գուստավ Կլիմտի կտավների անիմացիոն ցուցահանդեսի բացառիկությունը կայանում է տեխնիկական լուծումների մեջ․ 510քմ ցուցասրահ, 4մ բարձրությամբ առաստաղ, 300+ կտավների անիմացիա, 77  րոպեանոց ծրագիր։

Ցուցահանդեսը կանցկացվի
հունիսի 19 – օգոստոսի 19-ն ամեն օր, ժամը՝ 10։00-24։00, Աբովյան 16 հասցեում գտնվող  «Հայաստանի նկարիչների միություն»-ում։ Տոմսերի արժեքը՝ 3500–5000 ՀՀ դրամ։